انسانی ا سمگلنگ کے خلاف چاروں صوبوں میں کریک ڈائون کا حکم
شیئر کریں
این سی سی آئی اے کی استعدادکار بڑھائی جائے، انسانی اسمگلرز کسی رعایت کے مستحق نہیں
مکروہ دھندے میں ملوث لوگ معصوم لوگوں کی جانوں سے کھیل رہے ہیں، محسن نقوی
وفاقی وزیر داخلہ محسن نقوی سے نئے تعینات ہونے والے ڈی جی ایف آئی اے رفعت مختار راجہ اور نئے تعینات ہونے والے ڈائریکٹر جنرل نیشنل سائبر کرائم انویسٹیگیشن ایجنسی وقار الدین سید نے ملاقات کی۔ وزیر مملکت داخلہ طلال چوہدری اور وفاقی سیکرٹری داخلہ محمد خرم آغا بھی اس موقع پر موجود تھے۔ وزیر داخلہ محسن نقوی نے ڈی جی ایف آئی اے کو غیر قانونی امیگریشن کے خلاف مؤثر حکمت عملی تیار کرنے کا ٹاسک دیا۔ وزیرداخلہ محسن نقوی نے سائبر کرائمز کی روک تھام کے لیے ڈی جی این سی سی آئی اے کو ہدایات دیں اور انسانی سمگلنگ میں ملوث مافیا کے خلاف ملک بھر میں موثر کریک ڈاؤن کا حکم دیا۔وفاقی وزیرداخلہ محسن نقوی نے کہا کہ انسانی سمگلنگ روکنے کے لئے چاروں صوبوں میں بلا امتیاز کارروائی عمل میں لائی جائے اور اس مافیا سے آہنی ہاتھوں سے نمٹا جائے۔ انہوں نے اس بات پر زور دیا کہ مکروہ دھندے میں ملوث لوگ معصوم لوگوں کی جانوں سے کھیل رہے ہیں۔ وزیر مملکت داخلہ طلال چوہدری نے کہا کہ انسانی اسمگلرز کسی رعایت کے مستحق نہیں۔ وزیر داخلہ نے واضح کیا کہ ایف آئی اے سمیت تمام قانون نافذ کرنے والے اداروں کو ملک سے غیر قانونی اسپیکٹرم اور منظم جرائم کے خاتمے کیلئے ملکر کام کرنا ہو گا۔ وفاقی وزیرداخلہ محسن نقوی نے کہا کہ سائبر سیکیورٹی ایک نیا چیلنج ہے۔ این سی سی آئی اے کی استعدادکار بڑھائی جائے گی اور افسروں کو تربیت کے لئے بیرون ملک بھجوایا جائے گا۔
