سعودی عرب نے ایرانی ڈرونز تباہ کرنے کے مناظر جاری کردیے

جرات ڈیسک

پیر, ۹ مارچ ۲۰۲۶

شیئر کریں

سعودی وزارت دفاع نے وہ مناظر جاری کردیے ہیں جن میں سعودی فضائی دفاعی نظام کو گزشتہ دنوں مملکت کی طرف داغے گئے متعدد ڈرونز کو روکتے اور تباہ کرتے ہوئے دکھایا گیا ہے۔ گزشتہ تمام عرصے کے دوران سعودی دفاعی نظام نے 20 سے زائد ڈرونز اور بیلسٹک میزائلوں کا مقابلہ کیا جنہوں نے سعودی دارالحکومت ریاض کے شمال اور مشرق، سفارت خانوں پر مشتمل سفارتی علاقے اور الخرج میں واقع پرنس سلطان ایئر بیس کو نشانہ بنایا تھا۔ سعودی سکیورٹی حکام نے الخرج میں ایک مینٹیننس اور صفائی کمپنی کے رہائشی مقام پر فوجی گولہ گرنے کے واقعے کی تحقیقات شروع کر دی ہیں۔ اس واقعے میں بھارتی اور بنگلہ دیشی شہریت کے 2 افراد جاں بحق اور بنگلہ دیشی شہریت رکھنے والے 12 افراد زخمی ہوگئے۔ مالی نقصانات بھی ہوئے۔