عوامی نیشنل پارٹی کے رہنما یونس بونیری پر مشتعل افراد کا حملہ

ویب ڈیسک

اتوار, ۹ فروری ۲۰۲۰

شیئر کریں

عوامی نیشنل پارٹی(اے این پی ) کے رہنما یونس بونیری پر مشتعل افراد نے حملہ کردیا۔تفصیلات کے مطابق کراچی میں عوامی نیشنل پارٹی کے رہنما یونس بونیری پر مشتعل افراد نے حملہ کر دیا۔ مسلح افراد نے یونس بونیری اور ان کے صاحبزادے پر تشدد کیا اور ہوائی فائرنگ کی۔ پولیس اور محلے کے سکیورٹی گارڈز نے مداخلت کر کے مسلح افراد بھاگنے پر مجبور کر دیا۔ یونس بونیری دفتر سے گھر پہنچے تھے کے موٹر سائیکل پر سوار مسلح افراد پہنچ گئے اور یونس بونیری اور ان کے صاحبزادے پر تشدد شروع کر دیا۔یونس بونیری نے شارع فیصل تھانے میں مقدمہ درج کروادیا۔