سکیورٹی وجوہات ،عمران خان سے اڈیالہ جیل میں ملاقاتوں پر پابندی عائد

ویب ڈیسک

منگل, ۸ اکتوبر ۲۰۲۴

شیئر کریں

راولپنڈی کی اڈیالہ جیل میں سکیورٹی وجوہات کی بنا پرعمران خان سمیت تمام ملاقاتوں پر پابندی عائد کردی گئی۔ میڈیا رپورٹس کے مطابق جیل ذرائع کا کہنا ہے کہ اڈیالہ جیل میں 18 اکتوبر تک ہر قسم کی ملاقات پر پابندی عائد کی گئی ہے، اس دوران بانی چیئرمین پی ٹی آئی عمران خان سے پارٹی رہنماؤں، وکلاء اور فیملی کی ملاقات پر بھی پابندی ہوگی، ملاقاتوں پر پابندی سکیورٹی وجوہات کے باعث لگائی گئی ہے۔جیل ذرائع نے بتایا ہے کہ اسلام آباد میں شنگھائی تعاون تنظیم کے سلسلے میں جڑواں شہروں میں سکیورٹی سخت کرنے کا فیصلہ کیا گیا ہے، ملاقاتوں پر پابندی کا فیصلہ پنجاب حکومت نے کیا ہے، اڈیالہ جیل میں ملاقاتوں پر پابندی کا اطلاق عام قیدیوں پر بھی ہوگا۔