غزہ میں صہیونی یلغار نہتے ، بھوکے ،پیاسے 275 مسلمان شہید

ویب ڈیسک

منگل, ۸ جولائی ۲۰۲۵

شیئر کریں

(
خیموں میں سوتے ہوئے بچوں پر براہِ راست میزائل کا نشانہ ،جھلس کر ناقابل شناخت ہوگئے
5 صحافیوں سمیت 1 ڈاکٹر اپنے3 بچوں کے ہمراہ شہید ،امدادی اور طبی مراکز پر فضائی حملے جاری

غزہ میں صہیونی بمباری سے 275 نہتے ،بھوکے ،پیاسے مسلمان شہید ہوگئے ، 5جولائی شام سے7جولائی دوپہر 12 بجے تک کے دوران ہونے والی فضائی و زمینی کارروائیوںمیں شہید ہونے والوں میں خواتین، بچے، صحافی اور طبی عملہ شامل ہیں۔ ایک طبی مرکز پر حملے میں ایک فلسطینی ڈاکٹر اور اس کے تین بچے شہید کیے گئے ، امدادی مرکز کے باہر کھڑے شہریوں پر میزائل برسائے گئے پانچ صحافی بھی شہید ہوئے ، حملوں میں المغازی، رفح اور النصیرات کی خیمہ بستیوں کو بار بار نشانہ بنایا گیا۔بعض خیموں میں سوتے ہوئے بچے براہِ راست میزائل کا نشانہ بنے، جن کی لاشیں جھلس کر ناقابل شناخت ہو گئیں۔