الیکشن ٹریبونل سے نااہلی: شاہ محمود کا لاہور ہائیکورٹ سے رجوع کا فیصلہ
شیئر کریں
پاکستان تحریک انصاف کے سینئر رہنما شاہ محمود قریشی نے نا اہلی سے متعلق الیکشن ٹریبونل کا فیصلہ لاہور ہائیکورٹ میں چیلنج کریں گے۔رہنما تحریک انصاف مخدوم شاہ محمود قریشی آبائی شہر ملتان کے انتخابی میدان سے باہر ہونے سے انکاری ہوگئے، شاہ محمود قریشی الیکشن ٹریبونل ملتان سے نااہلی کے معاملے کو لاہور ہائیکورٹ لارجر بنچ میں چیلنج کرنے کا فیصلہ کیا ہے۔سابق وزیر خارجہ کے وکلاء نے الیکشن ٹریبونل کے فیصلے کو لارجر بنچ میں چیلنج کرنے کی تیاری شروع کر دی، الیکشن ٹریبونل کے فیصلے کے خلاف لاہور ہائی کورٹ کے لارجر بنچ میں کل اپیل دائر کئے جانے کا امکان ہے۔یاد رہے کہ الیکشن ٹریبونل نے شاہ محمود قریشی کے زائد المیعاد اسٹام جمع کروانے پر آر او کی طرف سے کاغذات مسترد کئے جانے کے فیصلے کو درست قرار دیا تھا۔دوسری جانب الیکشن ٹریبول نے شاہ محمود کی بیٹی مہر بانو قریشی اور بیٹے زین حسین قریشی کو الیکشن لڑنے کے لئے اہل قرار دے دیا ہے۔
