بھارت،زیادتی کاشکار جلائی جانیوالی لڑکی دم توڑ گئی

ویب ڈیسک

هفته, ۷ دسمبر ۲۰۱۹

شیئر کریں

بھارتی ریاست اترپردیش میں جلائی جانیوالی زیادتی کا شکار لڑکی دم توڑ گئی۔ غیرملکی خبررساں ادارے کے مطابق زیادتی کا شکار لڑکی 90 فیصد سے زائد جھلس گئی تھی، لڑکی کو زیادتی کیس میں انصاف کے حصول کے لیے عدالت جاتے ہوئے مرکزی ملزم اور ساتھیوں نے آگ لگائی تھی۔لڑکی کو آگ لگانے والے پانچوں ملزمان کو پولیس نے گرفتار کرلیا ہے ، متاثرہ لڑکی سے زیادتی کے ملزمان کو گزشتہ ہفتے پولیس کی حراست سے ضمانت پر رہا کیا گیا تھا۔جلائی جانے والی لڑکی نے موت سے قبل ہسپتا ل کے برن اور پلاسٹک سرجری ڈیپارٹمنٹ میں دیے گئے اپنے آخری بیان میں کہا تھا کہ میں بچ جائوں گی لیکن قصورواروں کو چھوڑنا نہیں ۔واضح رہے کہ اترپردیش میں مرنیوالی لڑکی کو گزشتہ سال اجتماعی زیادتی کانشانا بنایا گیا تھا۔