نواز شریف چوتھی مرتبہ وزیر اعظم ؟اسلام آباد کے با اثر حلقوں نے رائے کا اظہار کر دیا
شیئر کریں
فیصلہ کن گھڑی قریب ، نواز شریف چوتھی مرتبہ وزیر اعظم ؟ ،وفاقی دارالحکومت میں با اثر حلقوں نے کس کے حق میں رائے کا اظہار کیا ہے ؟ اس حوالے سے خصوصی رپورٹ میں بتایا گیا ہے کہ وطن عزیز میں عام انتخابات کیلئے آج پولنگ ہو رہی ہے ، انتخابات ایسے ماحول میں ہو رہے ہیں جب بلوچستان اور خیبر پختونخوا سمیت ملک کے بعض علاقے دہشت گردانہ حملوں کی زد میں ہیں ، امن و امان کے مسائل سے عام لوگ بھی متاثر ہیں تاہم قومی قیادت کی جانب سے انتخابی مہم کوپر سکون انداز سے پایہ تکمیل کو پہنچانے سے لوگوں کو اعتماد ملا۔تفصیلات کے مطابق سیاسی جماعتوں کی 45روزہ انتخابی مہم کا مجموعی جائزہ لیا جائے تو پتہ چلتا ہے کہ پی پی پی کے چیئرمین بلاول بھٹو نے دیگر کے مقابلے میں زیادہ جلسے کیے جبکہ نواز شریف اور مریم نواز کا فوکس پنجاب رہا جہاں قومی اسمبلی کی سب سے زیادہ 144 نشستیں ہیں ، اسلام آباد کے بااثر حلقے قرار دے رہے ہیں کہ نواز شریف چوتھی مرتبہ وزیر اعظم بننے جارہے ہیں ،کہا جارہا ہے کہ اس مرتبہ ان کی سربراہی میں اجتماعی قیادت کا ایک نیا انداز حکمرانی سامنے آئے گا اور فیصلہ سازی کیلئے اعلی سطح کے مشاورتی ادارے بنیں گے تاکہ ماضی کی غلطیاں نہ دہرائی جا سکیں ۔
