سپریم کورٹ رجسٹری کے باہر تجاوزات مہم سے متاثرہ افراد کا مظاہرہ
شیئر کریں
انسداد تجاوزات مہم میں بے گھر ہونے والے متاثرین نے سپریم کورٹ کراچی رجسٹری کے باہر مظاہرہ کرتے ہوئے متبادل جگہ فراہم کرنے کا مطالبہ کردیا ہے ۔ جمعہ کو سپریم کورٹ کراچی رجسٹری میں شہر کی اصل صورت میں بحالی سمیت اہم مقدمات کی سماعت ہوئی ، اس موقع پر انسداد تجاوزات مہم میں بے گھر ہونے والے متاثرین نے مظاہرہ کیا اور عدالت عظمیٰ سے متبادل جگہ فراہم کرنے کا مطالبہ کیا ہے ۔مظاہرین نے عدالت کے باہر سندھ اسمبلی میں اپوزیشن لیڈر فردوس شمیم نقوی کے خلاف بھی شدید نعرے بازی کرتے ہوئے بتایا کہ ہم نے فردوس شمیم نقوی کے پراجیکٹ میں فلیٹ بک کرائے ، تمام رقوم ادا کردیں اب15 سے 25لاکھ روپے مزید مانگے جارہے ہیں، ہم نے ساری جمع پونجی لگا دی،اب ہمارے پاس مزید پیسے نہیں، لہذا عدالت ہمیں انصاف فراہم کرے ۔اس کے علاوہ عدالت کے باہر رائل پارک کے متاثرین نے بھی مظاہرہ کیا۔
