سعودیہ کے بعد امارات نے بھی افغانستان میں سفارت خانہ بند کر دیا

جرات ڈیسک

پیر, ۶ فروری ۲۰۲۳

شیئر کریں

سعودی عرب کے بعد متحدہ عرب امارات نے بھی افغانستان میں سفارت خانہ بند کر دیا۔ غیر ملکی میڈیا کے مطابق یو اے ای کابل میں سفارت خانہ بند کرنے والا سعودی عرب کے بعد دوسرا خلیجی ملک ہے، سعودی عرب بھی افغانستان میں سفارت خانہ بند کر چکا ہے۔ خیال رہے کہ طالبان کے برسراقتدار آنے کے بعد سے ہی افغانستان میں وقفے وقفے سے بم دھماکوں کا سلسلہ جاری ہے، بم دھماکوں میں سیکڑوں افراد ہلاک ہو چکے ہیں، داعش نے ان میں سے بہت سے بم دھماکوں کی ذمہ داری قبول کی ہے۔ یاد رہے کہ گزشتہ روز بھی دارالحکومت کابل میں پشتونستان روڈ پر کار بم دھماکے میں کم از کم دو شہری زخمی ہوئے، دھماکا صدارتی محل کے قریب سکیورٹی کی گاڑی میں نصب بارودی مواد سے ہوا۔