سبی میں یوم یکجہتی کشمیر ریلی پر حملہ، 30 افراد زخمی

ویب ڈیسک

هفته, ۶ فروری ۲۰۲۱

شیئر کریں

سبی میں یوم یکجہتی کشمیر ریلی پر حملے سے 30 افراد زخمی ہوگئے۔اسپتال انتظامیہ کے مطابق 4 زخمیوں کی حالت تشویش ناک ہے۔پولیس کے مطابق دھماکا سبی میں میر چاکر روڈ پر چورنگی کے قریب ہوا۔ حکام کے مطابق حملے سے چند منٹ قبل ہی اسی مقام سے یوم یکجتی کشمیر کی ریلی بھی گزری تھی۔ دھماکے کے فوراً بعد امدادی ٹیمیں موقع پر پہنچ گئیں،جس کے بعد زخمیوں کو قریبی واقع اسپتال منتقل کیا گیا۔دھماکے کے فورا بعد قانون نافذ کرنے والے ادارے اور بم ڈسپوزل اسکواڈ موقع پر پہنچ گئے۔ بی ڈی ایس حکام کا کہنا ہے کہ دھماکا دستی بم سے کیا گیا ہے، جس کے شواہد جمع کرلیے گئے ہیں،دھماکے سے قریبی عمارتوں کے شیشے ٹوٹ گئے۔دھماکے کے بعد سیکیورٹی فورسزنے علاقے کو گھیرے میں لے لیا۔ ابتدائی تحقیقات کے مطابق دھماکا خیز مواد موٹر سائیکل میں نصب کیا گیا تھا۔