اقتصادی گورننس سسٹمزکیلئے15رکنی کمیٹی تشکیل
شیئر کریں
وزیرخزانہ محمد اورنگزیب چیئرمین مقرر،کمیٹی رپورٹ وزیراعظم کو پیش کرے گی
کمیٹی کاقیام وزیراعظم کے اقتصادی گورننس اصلاحات کاحصہ ہے،حکومتی ذرائع
وزیراعظم نے اقتصادی گورننس سسٹمزکیلئیکمیٹی تشکیل دے دی۔ذرائع کے مطابق وفاقی وزیرخزانہ محمد اورنگزیب 15رکنی کمیٹی کے چیٔرمین مقررکئے گئے ہیں،کمیٹی کاقیام وزیراعظم کے اقتصادی گورننس اصلاحات کاحصہ ہے۔حکومتی ذرائع کے مطابق کمیٹی سہ ماہی بنیادوں پراپنی رپورٹ وزیراعظم کو پیش کرے گی،سیکریٹری خزانہ،سیکریٹری قانون،سیکریٹری منصوبہ بندی ،سیکریٹری ایس آئی ایف سی، سیکریٹری آئی ٹی،سیکریٹری اسٹبلشمنٹ ڈویژن،سیکریٹری لاء اینڈ جسٹس کمیشن،اورسیکریٹری سرمایہ کاری بورڈبھی کمیٹی کے ارکان میں شامل ہیں۔ ذرائع کے مطابق چیٔرمین ایس ای سی پی،گورنر اسٹیٹ بینک،اور چیٔرمین سی سی پی بھی ارکان کاحصہ، ہیں،ایم ڈی پیپرا،ڈی جی ٹیکس پالیسی آفس، ایڈیشنل آڈیٹر جنرل کمیٹی کوبھی کمیٹی میں بطوررکن شامل کیاگیاہے جبکہ ایڈیشنل سیکریٹری خزانہ کمیٹی کیلئے سیکریٹری کے فرائض انجام دیں گے۔ذرائع کے مطابق وفاقی وزارت خزانہ کمیٹی کے لئے سیکریٹریل سپورٹ فراہم کرے گی۔
