نون لیگ کے ساتھ وہ ہونے والا ہے جس کے بعد یہ سیاست سے ہی توبہ کر لیں گے، فیصل واوڈا
شیئر کریں
پاکستان تحریک انصاف کے سابق رہنما فیصل واوڈا نے کہا ہے کہ ویسے تو ن لیگ کا سافٹ وئیر اپ گریڈ ہوگیا ہے، لیکن ان کے ساتھ وہ ہونے والا ہے جس کے بعد یہ سیاست سے ہی توبہ کر لیں گے۔ خصوصی گفتگو کرتے ہوئے فیصل واوڈا نے کہا کہ ن میں سے ش آپ کو نظر آرہی ہے، خواجہ آصف بمقابلہ مریم نواز آپ کو نظر آ رہا ہے، عظمی بخاری، مریم اورنگزیب، خاقان عباسی، ان کے اپنے جھگڑے ختم ہوں گے تو یہ آگے بڑھ سکیں گے۔ انہوں نے کہا کہ یہ جو غیر روایتی طور پر استقبال کی بات کر رہے ہیں، 5 لاکھ لوگ لانے کی بات کر رہے ہیں، مریم نواز صاحبہ کے اپنے جلسے میں 500 لوگ نہیں تھے۔ تو جو آرگنائزر ہے اس کے اپنے جلسے میں 500 آدمی نہیں ہیں وہ پانچ لاکھ آدمی ارینج کرے گا؟ انہوں نے کہا کہ آپ ہونڈا موٹر سائیکلیں تو کیا ہونڈا سوک بھی دے دیں تو 5 لاکھ کا دس پرسنٹ بھی نہیں لاسکیں گے، یہ سیاسی جماعتوں کی چال ہوتی ہے، 25 ہزار آدمی ہوتے ہیں تو ہم کہتے ہیں ڈھائی لاکھ آدمی آ گیا۔ انہوں نے مزید کہا کہ عوام میں عمران خان کی مقبولیت اصل میں ان سے نفرت ہے۔ فیصل واوڈا نے کہا کہ ویسے تو نواز شریف کا آنا مشکل ہے، لیکن آنا چاہتے ہیں تو سیدھا جیل چلے جائیں، خیریت و عافیت اسی میں ہے۔ انہوں نے کہا کہ جیل میں جیلر تو ہوں گے ورنہ نوازشریف کے لیے کوئی رونے والا نہیں ہوگا۔ ن لیگ آئین و قانون کی حکمرانی کی بات کرتی ہے، عمران ریاض کے ساتھ جو کچھ ہوا شہباز شریف کی حکومت تھی۔ انھوں نے کہا کہ21اکتوبرکو نوازشریف واپس آ رہے ہیں اور23 اکتوبرکوارشد شریف کی برسی ہے، ارشد شریف کا جس دن قتل ہوا، مریم نواز نے جو ٹوئٹ کی ان کو شرم آنی چاہیے۔ ایک آدمی اگر آپ کا مخالف بھی ہے تو بھی ایسی ٹوئٹ نہیں کرنی چاہیے تھی۔ انہوں نے کہا کہ کہ چترال حملہ اگر آپ پروب(تحقیقات)کریں گے تو وہاں پر بھی آپ کو ایک پولیٹیکل پارٹی ملوث نظر آئے گی۔ انہوں نے کہا کہ نواز شریف نے کہا کہ میں باجوہ کا احتساب کروں گا، شہباز شریف نے پاکستان میں قدم رکھا اور اگلی فلائٹ سے واپس گئے پھر یوٹرن اور گلاٹی ایسی کھائی۔
