حفاظتی ٹیکوں کے پروگرام میں2 ارب 38 کروڑ کا گھوٹالہ
شیئر کریں
ویکسین اور ٹول کٹ کی خریداری میں 1 ارب66 کروڑ کا ریکارڈ غائب،مشتبہ ادائیگیاں
گاڑیوں کی مرمت کے نام پر 3کروڑ 27لاکھ روپے کی بے قاعدگیا ں ، آڈیٹر جنرل رپورٹ
بلوچستان کے محکمہ صحت کے توسیع پروگرام برائے حفاظتی ٹیکہ جات میں پانچ برسوں کے دوران 2ارب38کروڑ روپے کی بے قاعدگیاں سامنے آگئیں ۔ای پی آئی بلوچستان کی جانب سے وفاقی ڈائریکٹریٹ کو ویکسین اور ٹول کٹ کی خریداری کیلئے کی گئی 1 ارب 66کروڑکی ادائیگی کا کوئی ریکارڈ دستیاب نہیں ،کورونا کے دوران ٹریننگ کے نام پر ایک کروڑ 77لاکھ روپے کی مشتبہ ادائیگی کی گئیں۔ بلوچستان کے توسیع پروگرام برائے حفاظتی ٹیکہ جات میں بے قاعدگیاں کی نشاندھی آڈیٹر جنرل کی 2018سے 2023کے دورانیہ کی آڈٹ رپورٹ میں کی گئیں رپورٹ کے مطابق ای پی آئی بلوچستان کی جانب سے بغیر کسی بل کے 11کروڑ 35لاکھ روپے مشکوک ادائیگی کی گئی گاڑیوں کی مرمت کے نام پر 3کروڑ 27لاکھ روپے کی بے قاعدگیا ں سامنے آئی ہیں ،مجازاتھارٹی کی اجازت کے بغیر ڈومیسٹک ٹریننگ کے نام پر 4کروڑ روپے کے اخراجات کئے گئے اسی طرح ڈی ڈی اوز کے ذریعے 26کروڑ25لاکھ روپے کی بے قاعدہ ادائیگی کی گئی ،مجاز اتھارٹی کی اجازت کے بغیر 7کروڑ82لاکھ روپے کی ادائیگیاں کی گئیں آڈیٹرجنرل پاکستان کی رپورٹ بلوچستان اسمبلی میں پیش کی گئی اسپیکر بلوچستان اسمبلی نے آڈٹ رپورٹ پبلک اکاونٹس کمیٹی کے سپرد کردی ۔
