سندھ حکومت کاوزیراعلیٰ خیبر پختونخوا کو کراچی میں پروٹوکول دینے کا اعلان
شیئر کریں
سہیل آفریدی کواجرک پہنائیں گے اور گلے لگائیں گے، انہیں عزت و احترام کے ساتھ خوش آمدید کہا جائے گاہمارے لیے اعزاز ہوگا،کراچی کی روایتی اجرک پہنائی جائے گی ،وزیر ثقافت سندھ
وزیراعلیٰ سندھ کی سطح کا پروٹوکول دیا جائے گا،حسن علی ہوتی مارکیٹ میں برگر کھلائے جائیں گے، نفرت کی آڑ میں کراچی کو برا دکھانے کی کوشش کی گئی، میئرمرتضیٰ وہاب کے ہمراہ میڈیا سے گفتگو
حکومت سندھ نے وزیراعلیٰ خیبر پختونخوا سہیل آفریدی کو کراچی میں پروٹوکول دینے کا اعلان کردیا۔وزیر ثقافت سندھ ذوالفقار علی شاہ نے میئرکراچی مرتضیٰ وہاب کے ہمراہ میڈیا سے گفتگو میں کہا کہ ہم سہیل آفریدی کو کراچی آنے پر پروٹوکول دیں گے، انہیں اجرک پہنائیں گے اور گلے بھی لگائیں گے۔ انہیں عزت و احترام کے ساتھ خوش آمدید کہا جائے گا۔حسن علی ہوتی مارکیٹ میں برگر بھی کھلائے جائیں گے اور کراچی کی روایتی اجرک پہنائی جائے گی۔میئر کراچی مرتضی وہاب نے کہا ہے کہ سہیل آفریدی کو کراچی آمد پر وزیراعلی کا پورا پروٹوکول دیا جائے گا اور انہیں عزت و احترام کے ساتھ خوش آمدید کہا جائے گا۔ انہوں نے بتایا کہ سہیل آفریدی کو حسن علی ہوتی مارکیٹ میں برگر بھی کھلائے جائیں گے اور کراچی کی روایتی اجرک پہنائی جائے گی۔مئیر کراچی مرتضی وہاب کا کہنا تھا کہ سہیل آفریدی کو کراچی میں خوش آمدید کہنا ہمارے لیے اعزاز ہے اور انہیں مکمل احترام کے ساتھ ریسیو کیا جائے گا۔ انہوں نے کہا کہ وزیراعلی سندھ کی سطح کا جو پروٹوکول ہوتا ہے، وہ دیا جائے گا۔مئیر کراچی نے واضح کیا کہ سہیل آفریدی کو عزت و احترام کے ساتھ خوش آمدید کہا جائے گا، انہیں حسن علی ہوتی مارکیٹ میں برگر کھلائے جائیں گے اور کراچی کی ثقافتی پہچان اجرک بھی پیش کی جائے گی۔حسن علی ہوتی مارکیٹ کے حوالے سے گفتگو کرتے ہوئے مرتضی وہاب نے بتایا کہ اس تاریخی مارکیٹ کو 100 سال مکمل ہوچکے ہیں۔انہوںنے کہا کہ انہوں نے کہا کہ نفرت کی آڑ میں کراچی کو برا دکھانے کی کوشش کی گئی، لیکن بلاول بھٹو زرداری کی ہدایات پر شہر کی روشنیاں بحال کی جا رہی ہیں۔ ان کا کہنا تھا کہ لوگوں کو یہ بتانا ضروری ہے کہ کراچی کوئی نیا نہیں بلکہ ایک پرانا تاریخی شہر ہے اور ہوتی مارکیٹ کی بحالی پر یہاں کی کمیونٹی خوشی محسوس کر رہی ہے۔مرتضی وہاب نے بتایا کہ اس سے قبل ڈینسو مارکیٹ، فریئر ہال اور ایمپریس مارکیٹ کو بھی بحال کیا جا چکا ہے، جب کہ لی مارکیٹ کی بحالی کا کام مکمل ہوچکا ہے۔ ان کے مطابق جو رقم جمع ہوگی وہ شہر کی ترقی پر ہی خرچ کی جائے گی اور اس سال کراچی پر 46 ارب روپے خرچ کرنے کا منصوبہ ہے۔انہوں نے کہا کہ وزیراعلی سندھ کی حمایت اور بلاول بھٹو زرداری کی ہدایات کے مطابق کراچی کی روشنیاں بحال کی جائیں گی۔
