چیک بائونس ہونے پر پی ٹی آئی رکن اسمبلی کو سزا
ویب ڈیسک
جمعه, ۴ جنوری ۲۰۱۹
شیئر کریں
چیک بائونس ہونے پرتحریک انصاف کے رکن اسمبلی دیوان سچانند کو 3سال قید کی سزا سنا دی گئی ہے۔حیدرآباد جوڈیشل مجسٹریٹ ٹنڈوآدم کامران کلہوڑو نے جعلسازی کے ایک مقدمے کا فیصلہ سناتے ہوئے پی ٹی آئی کے رکن اسمبلی دیوان سچانند کو 3 سال قید کی سزا سنادی ہے۔دیوان سچانند نے کاروباری لین دین پر سیٹھ ایوب راجپوت کو ایک کروڑ کا چیک دیا تھا جو بائونس ہو گیا۔پولیس کے مطابق جرم ثابت ہونے اور سزا سنائے جانے کے بعد ملزم دیوان سچانند کو گرفتارکرلیا گیا ہے۔گرفتاری کے موقع پر تحریک انصاف کے گرفتار رہنما نے کہاکہ وہ آج رات پولیس کے مہمان ہیں کل ضمانت کرالیں گے۔
