شہید بینظیرآباد انڈر 20 یوتھ ا سپورٹس فیسٹیول کے تحت کھیلوں کے مقابلے اختتام پذیر ہو گئے
شیئر کریں
نوابشاہ:ضلع انتظامیہ کی جانب سے محکمہ اسپورٹس کے تعاون سے ڈسٹرکٹ شہید بینظیرآباد انڈر 20 یوتھ سپورٹس فیسٹیول کے تحت کھیلوں کے مقابلے اختتام پذیر ہو گئے۔
اس موقع پر کامیابی حاصل کرنے والی ٹیموں میں انعامات تقسیم کرنے کی ایک شاندار تقریب بلاول سپورٹس کمپلیکس میں منعقد کی گئی۔
تقریب سے خطاب کرتے ہوئے رکن سندھ اسمبلی غلام قادر چانڈیو، سیکرٹری سپورٹس عبدالعلیم لاشاری، کمشنر سید محمد سجاد حیدر، ڈپٹی کمشنر شہریار گل میمن اور دیگر نے کہا کہ نوجوانوں کی صحت کے لیے کھیل بہت ضروری ہیں جس سے انکی صحت پر اچھے اثرات مرتب ہونگے اور انکو کھیلوں کے میدان میں اپنا لوہا منوانے کے مواقع بھی ملیں گے۔
انہوں نے مزید کہا کہ ضلع انتظامیہ کی جانب سے نوجوانوں کو کھیلوں کی سرگرمیاں فراہم کرنا ایک بہترین اقدام ہے ،کوشش ہوگی کہ کھیلوں کے مقابلے ڈویڑن سطح پر منعقد کرائے جائیں۔
اس موقع پر سیکریٹری اسپورٹس اینڈ یوتھ افئیرز عبدالعلیم لاشاری نے کہا کہ حکومت سندھ کی جانب سے کھیلوں کو فروغ دینے کے لیے ہر ممکن اقدامات کیے جارہے ہیں
