سندھ کے 26 اضلاع میں،خالی بلدیاتی نشستوں پر ضمنی الیکشن 14 نومبر کو ہوں گے

ویب ڈیسک

جمعرات, ۳ اکتوبر ۲۰۲۴

شیئر کریں

سندھ کے 26 اضلاع میں خالی بلدیاتی نشستوں کے ضمنی انتخاب کیلئے الیکشن کمیشن نے شیڈول جاری کردیا۔کراچی سے جاری نوٹیفکیشن کے مطابق بلدیاتی نشستوں پرضمنی انتخاب کیلئے پولنگ 14نومبرکوہوگی۔صوبے میں 77مختلف کیٹیگری کی بلدیاتی نشستوں پرضمنی انتخاب ہوگا۔ کراچی میں مجموعی طور پر10بلدیاتی نشستوں پر ضمنی انتخاب ہوگا۔ ضلع ملیر، کورنگی، ضلع جنوبی، ضلع غربی، ضلع کیماڑی اور ضلع وسطی میں ضمنی بلدیاتی انتخابات ہوں گے۔ نوٹیفیکیشن کے مطابق کراچی میں چارچیئرمین، دو وائس چیئرمین اور چاروارڈ کونسلر کی نشستوں پر ضمنی انتخاب ہوگا۔ نوسے گیارہ اکتوبر تک ریٹرننگ افسران کے پاس کاغذات نامزدگی جمع کرانے جاسکتے ہیں۔