کیپ ٹاؤن ، پاکستان کرکٹ ٹیم کیلئے تاریخ بدلنے کا موقع
شیئر کریں
پاکستان اور جنوبی افریقا کے درمیان دوسرا ٹیسٹ میچ کل سے کیپ ٹاؤن میں شروع ہو گا۔25ہزار نشستوں والے کیپ ٹاؤن کے اس اسٹیڈیم سے متعلق ایک عام تاثر یہ ہے کہ جنوبی افریقا کے دیگر ٹیسٹ سینٹرز کے برعکس یہاں پِچ پر اسپنرز موثر ثابت ہوتے ہیں۔البتہ دلچسپ امر یہ ہے کہ اس میدان پر سب سے زیادہ ٹیسٹ وکٹیں لینے والوں میں پہلے 8 بولرز فاسٹ بولنگ کے شعبے سے وابستہ ہیں۔نیو لینڈز کیپ ٹاؤن میں اولین ٹیسٹ مارچ 1889ء میں میزبان جنوبی افریقا اور انگلینڈ کے درمیان کھیلا گیا تھا۔یہ ٹیسٹ کرکٹ کی تاریخ کا 32 واں ٹیسٹ میچ تھا جہاں انگلینڈ نے اننگز اور 202 رنز سے فتح حاصل کی تھی۔کیپ ٹاؤن میں آخری ٹیسٹ جنوری 2024ء میں کھیلا گیا جہاں بھارت کی ٹیم نے جنوبی افریقا کو 7 وکٹ سے شکست دی تھی۔کیپ ٹاؤن میں اب تک 60 ٹیسٹ کھیلے جا چکے ہیں جہاں جنوبی افریقا 27 میں کامیاب رہا اور 22 ٹیسٹ اس کی ناکامی پر ختم ہوئے جبکہ 11 ٹیسٹ ڈرا ہوئے ۔دوسری جانب پاکستان نے کیپ ٹاؤن میں اب تک 4 ٹیسٹ کھیلے ہیں اور تمام میں اسے شکست کا سامنا کر نا پڑا ہے ۔
