نیا سال ، واٹس ایپ پر 1.4 ارب وائس اور ویڈیو کالز کا نیا ریکارڈ
شیئر کریں
معروف سوشل میڈیا پلیٹ فارم فیس بک کی زیر ملکیت کمپنی واٹس ایپ نے نئے سال کے موقع پر ایک دن میں سب سے زیادہ کالز کا نیا ریکارڈ بنا لیا۔میڈیارپورٹس کے مطابق فیس بک کی جانب سے جاری اعداد و شمار کے مطابق نئے سال کے موقع پر واٹس ایپ پر دنیا بھر سے 1.4 بلین ویڈیو اور وائس کالز کی گئیں۔فیس بک کے مطابق واٹس ایپ پر پہلی بار ایک دن میں اتنی زیادہ تعداد میں ویڈیو اور وائس کالز کی گئیں۔ کمپنی کے مطابق اگر ان اعداد و شمار کا پچھلے سال کے مقابلے میں کی جانے والی کالز کے ساتھ موازنہ کیا جائے تو اس میں 50 فیصد اضافہ ہوا ہے ۔دوسری جانب فیس بک کی ایپ میسنجر پر بھی نئے سال کے موقع پر بڑی تعداد میں ویڈیو اور وائس کالز کی گئیں۔کمپنی کے مطابق نئے سال کا آغاز کمپنی کے لیے بہت بڑا دن ثابت ہوا کیونکہ مسنجر پر بھی عام دن کے مقابلے میں نیو ائیر پر دوگنی کالز کی گئیں۔علاوہ ازیں نئے سال کے موقع پر دنیا بھر سے فیس بک اور انسٹاگرام سے 55 ملین لائیو براڈ کاسٹ کی گئیں۔
