سندھ حکومت کی کروڑوں روپے مالیت کی گندم ایک بار پھر غائب

جرات ڈیسک

جمعه, ۲ دسمبر ۲۰۲۲

شیئر کریں

سندھ حکومت کی کروڑوں روپے مالیت کی گندم ایک بار پھر غائب ہو گئی۔ تفصیلات کے مطابق سندھ میں ایک کے بعد ایک سرکاری گندم چوری کے اسکینڈل سامنے آرہے ہیں، اب محکمہ خوراک سندھ کی سرکاری گندم کا نیا اسکینڈل سامنے آگیا ہے۔ سندھ کے 8 سرکاری گوداموں سے کروڑوں مالیت کی ہزاروں ٹن گندم دوبارہ غائب ہونے کا انکشاف ہوا ہے، نوشہروفیروز کے 8 گوداموں سے 13 ہزار میٹرک ٹن سے زائد کی گندم غائب ہو گئی ہے۔ رپورٹ کے مطابق محکمہ خوراک کی رپورٹ نے کھلبلی مچا دی، غائب گندم کی مالیت 70 کروڑ سے زائد ہے۔ ڈسٹرکٹ فوڈ کنٹرولر نوشہروفیروز نے تحریری رپورٹ سیکریٹری محکمہ خوراک کو بھیجتے ہوئے سرکاری گندم غائب ہونے کی تحقیقات کیلئے کمیٹی تشکیل دینے کی درخواست کر دی ہے۔واضح رہے کہ اس سے قبل بھی نیب اور اینٹی کرپشن اربوں روپے کی گندم چوری کی تحقیقات میں مصروف تھے۔