(سندھ بلڈنگ ) ناظم آباد نمبر 3 میں بالائی منزلیں تعمیر کی اجازت
شیئر کریں
ڈائریکٹر ضیاء عدالتی احکامات کے برخلاف کارروائیوں میں سرگرم ، کھوڑو سسٹم کی سرپرستی
پلاٹ نمبر F13/5پر غیرقانونی تعمیرات کیلیے حفاظتی پیکیج ،ناجائز تعمیرات کو مکمل تحفظ حاصل
سندھ بلڈنگ ضلع وسطی میں بالائی منزلیں تعمیر کی چھوٹ ڈائریکٹر سید ضیا نے خطیر رقم بٹورنے کے بعد عدالتی احکامات کے بر خلاف تعمیر کی آزادی دے دی انہدام سے محفوظ رکھنے کے اضافی پیسے طلب کیئے گئے جرآت سروے ٹیم کی جانب سے موقف لینے کے لئے ڈی جی ہاس رابطے کی کوشش ناکام ۔ سندھ بلڈنگ کنٹرول اتھارٹی میں رائج کھوڑو سسٹم کے تحت ڈائریکٹر وسطی سید ضیا کی جانب سے خطیر رقوم بٹورنے کے بعد عدالتی احکامات کے بر خلاف تعمیرات کی چھوٹ دی جا رہی ہے ناجائز تعمیرات کے خلاف انہدامی کارروائی نہ ہونے کے اضافی پیسے طلب کیئے جارہے ہیں جرآت سروے کے مطابق ناظم آباد نمبر نمبر 3 پلاٹ F13/5 پر ناجائز بالائی منزل کی تعمیر کا کام تکمیل کے مراحل میں داخل ہوچکا ہے بلڈر کی جانب سے دعوی کیا جارہا ہے کہ ڈائریکٹر وسطی سید ضیا سے حفاظتی پیکج حاصل کر رکھا ہے جس کے باعث خلاف ضابطہ تعمیرات کو تحفظ فراہم کیا جارہا ہے جرآت سروے ٹیم کی جانب سے ناجائز تعمیرات پر موقف لینے کے ڈی جی ہاس رابطہ کرنے کی کوشش کی گئی مگر رابطہ ممکن نہ ہوا۔
