آلائشوں کو کاٹ کر گندگی پھیلانے والے 115افراد گرفتار
شیئر کریں
مئیر کراچی اور چئیرمین سندھ سالڈ ویسٹ مینجمنٹ بورڈ مرتضی وہاب نے میڈیا سے بات چیت کرتے ہوئے کہا کہ ہمیں آلائشیں اٹھانے کے عمل میں چیلینجز کا سامنا تھا۔انہوں نے میڈیا کو بتایا کہ کچھ لوگ ہاتھوں میں چھریاں لے کر آلائشوں کو کاٹ کر گندگی پھیلا رہے تھے ہم نے فوری طور پر پولیس کو آن بورڈ لیا اور 115افراد کو گرفتار کروایا جس میں سے 91صرف ضلع وسطی کے تھے۔اس لئے ہم نے فیصلہ کیا ہے کہ اگلے سال انتظامات کے سلسلے میں پولیس کو بھی آن بورڈ لیا جائے گا۔ انہوں نے مزید کہا کہ ہر سال آلائشوں کو لینڈ فل سائٹ منتقل کرنے کے دوران گاڑیوں سے آلائشیں سڑکوں پر گرتی ہیں اس مسلئے کے حل کے لئے ڈپٹی مئیرسمیت تمام افسران گرانڈ پر تھے اور جہاں ایسی صورتحال پیش آئی فوری طور پر اسکا ازالہ یقینی بنایا گیا۔انہوں نے کہا کہ کچھ لوگ سوشل میڈیا پرتنقید کا نشانہ بناتے ہوئے کہہ رہے تھے کہ کام نہیں ہورہا لیکن عید کے تیسرے دن وہی لوگ ہمارے کام کی تعریف کررہے تھے۔ انہوں نے کہا کہ اس سال ہمیں جو چیلینجز تھے اگلے سال ان سے نمٹنے لئے لئے حکمت عملی بنائیں گے اگلے سال آپ اس سے بہتر انتظامات دیکھیں گے۔ انہوں نے مزید کہا کہ عیدالاضحی کا ایک چیلنج کامیابی کے ساتھ عبور کیا ہے اگلا چیلینج بارشیں ہیں اسے بھی سب کے ساتھ مل کر کامیابی سے عبور کریں گے۔
