سی اے اے، 133ملین کے واجبات کی عدم وصولی کا انکشاف
شیئر کریں
آڈیٹرجنرل کے آڈٹ برائے 2024تا25میں مشتبہ واجبات میں اضافے کے رجحان
سی اے اے ہیڈکوارٹرز کاریکوری سیل واجبات وصولی کیلئے خاطرخواہ اقدامات نہیں کر سکا
سول ایوی ایشن اتھارٹی میں 133ملین سے زائد کے ایروناٹیکل اورنان ایروناٹیکل واجبات کی عدم وصولی کا انکشاف ہوا ہے ۔رپورٹ کے مطابق آڈیٹرجنرل آف پاکستان کے آڈٹ برائے 2024،25 میں مذکورہ مشتبہ واجبات میں اضافے کے رجحان کا بھی ذکر ہے ،سی اے اے فنانشل اسٹیٹمنٹ 2023،24 میں مذکورہ واجبات کی مجموعی رقم 133.260ملین تھی۔رپورٹ کے مطابق سی اے اے ہیڈکوارٹرز کاریکوری سیل واجبات وصولی کیلئے خاطرخواہ اقدامات نہیں کر سکا،مشتبہ ایروناٹیکل چارجزواجبات مجموعی گراس ٹریڈ ڈیبٹ کے 92فیصدسے زائد کے مساوی ہیں،مشتبہ نان ایروناٹیکل چارجز واجبات مجموعی گراس ایروناٹیکل ڈیبٹ کے 83فیصد سے زائد کے مساوی ہیں۔ ریکوری سیل کی جانب سے مذکورہ مشتبہ واجبات کے اضافے پرمبنی رجحان سے ڈی جی،اے ڈی جی کو آگاہ نہیں کیاگیا،آڈٹ کی جانب سے دسمبر 2024میں مذکورہ بے ضابطگی کے بارے میںآگاہ کیا گیا،واجبات میں اضافے سے متعلق اتھارٹی کا جواب اطمینان بخش نہیں تھا۔ترجمان کے مطابق معاملے کادوبارہ جائزہ لے کر مشتبہ واجبات میں اضافے کی کمی کیلئے اقدامات کیے جائیں، کئی ریکوریز کی جا چکی ہیں،باقی کیسز میں وصولی کے لیے اقدامات جاری ہیں۔
