کراچی میں لوٹ مارکیلئے اسلحہ کرایے پر دیے جانے کا انکشاف

ویب ڈیسک

بدھ, ۱۹ اکتوبر ۲۰۲۲

شیئر کریں

کراچی میں اسٹریٹ کرائمز کے لیے اسلحہ کرائے پر دیے جانے کا انکشاف ہوا ہے۔برطانوی نشریاتی ادارے کی رپورٹ میں بتایا گیا ہے کہ کراچی میں گرفتار ملزمان کے حوالے سے اہم انکشافات سامنے آئے ہیں جس کے مطابق کراچی میں کئی سال سے کرائے پر اسلحہ مل رہا ہے ملزم ہر واردات کے بعد ایک موبائل فون اور تین ہزار روپے اسلحہ مالک کو دیتے ہیں۔اسٹریٹ کرمنلز کو اسلحہ مالک ہر پستول کے ساتھ لگ بھگ چار گولیاں بھی دیتا ہے۔پولیس کا دعویٰ ہیکہ ایک گرفتارملزم نے کرائے پرلی گئی تیس بور پستولوں سے دو سو سے زائد شہریوں کو لوٹا تھا۔پولیس کا بتانا ہے کہ کچھ منشیات فروش گروپ بھی نشے کیعادی افراد کو پستول دے کر وارداتیں کراتے ہیں جس کے بدلے میں انہیں منشیات دی جاتی ہیں۔