شہرمیں بدترین ٹریفک جام،ہزاروں گاڑیاں پھنس کررہ گئیں

ویب ڈیسک

منگل, ۱۰ اگست ۲۰۲۱

شیئر کریں

سندھ میں لاک ڈائون کے خاتمے کے ساتھ شہرقائدکے بازاروں میںلوگو ںکاجوم امڈآیا،جس کے باعث کراچی کے مختلف علاقوں میں ٹریفک جام سے ہزاروں گاڑیاں پھنس گئیں۔پیر کو لاک ڈائون کے خاتمے کے بعد پہلے روزاولڈ سٹی ایریا سمیت آئی آئی چندریگر روڈ، صدر اورڈینسو ہال پرٹریفک جام ہوگیا۔ایمپریس مارکیٹ اور اطراف میں بھی ٹریفک جام ہونے سے شہریوں کو شدید مشکلات کا سامنا کرنا پڑا۔ ایم اے جناح روڈ،ٹاور اور لائٹ ہائوس کے علاقے میں بھی رش میں کئی گھنٹے تک گاڑیاں اور مسافر بسیں پھنسی رہیں۔اس دوران ٹریفک پولیس اہلکار ٹریفک کی روانی بہتر کرنے کے بجائے روایتی اندازمیں موٹرسائیکل سواروں کوروکنے اوران کاچالان کرنے میں مصروف نظرآئے۔