علیمہ خان کیخلاف مقدمے کی سماعت، وکلاء میں تلخ جملوں کا تبادلہ
شیئر کریں
دوران جرح گواہ سے غیر ضروری سوالات پوچھنے پر پراسیکیوٹر ظہیر شاہ نے اعتراض کیا
جرح کرنا ہمارا حق آپ کی مرضی کا سوال نہیں پوچھ سکتے، وکیل صفائیفیصل ملک کا جواب
انسداد دہشت گردی عدالت (اے ٹی سی) راولپنڈی میں علیمہ خان کے خلاف مقدمے کی سماعت کے دوران وکلاء کے درمیان تلخ جملوں کا تبادلہ ہو گیا۔اے ٹی سی راولپنڈی میں مقدمے کی سماعت جج امجد علی شاہ نے کی، اس موقع پر علیمہ خان اپنے وکیل فیصل ملک کے ہمراہ پیش ہوئیں۔وکیل صفائی کی مقدمے کے اہم گواہ اور مدعی مقدمہ سب انسپکٹر ندیم مرتضیٰ پر جرح جاری ہے۔مقدمے میں اب تک مجموعی طور پر 13 گواہاں پر جرح مکمل کرلی گئی ہے جبکہ ایک پر جزوی جرح مکمل ہوئی ہے، جسے اگلی سماعت پر مکمل کیا جائے گا۔دوران جرح پراسیکیوٹر ظہیر شاہ اور وکیل سفائی فیصل ملک کے مابین تلخ جملوں کا تبادلہ ہوا، گواہ سے غیر ضروری سوالات پوچھنے پر پراسیکیوٹر نے اعتراض کیا۔اس پر وکیل صفائی نے جواب دیا کہ جرح کرنا ہمارا حق ہے آپ کی مرضی کا سوال نہیں پوچھ سکتے۔
