(گلگت بلتستان) 7 دن سے لاپتہ 4 سیاحوں کی گاڑی،لاشیں مل گئیں
شیئر کریں
جاں بحق چاروں دوستوںواصف،سلمان،عمراورعثمان کا تعلق گجرات سے تھا،گلگت پولیس
چاروں دوست بارہ مئی کو گجرات سے نکلے تھے اور سولہ مئی سے ان سے رابطہ نہیں ہوا،والدین
گلگت بلتستان میں لاپتہ ہونے والے 4 سیاحوں کی گاڑی اور لاشیں مل گئیں، چاروں دوستوں کا تعلق گجرات سے تھا۔تفصیلات کے مطابق گلگت بلتستان میں لاپتہ ہونے والے چار سیاحوں کی گاڑی اور لاشیں مل گئی، گلگت پولیس نے اس حوالے سے تصدیق کردی۔ریسکیوحکام نے کہا کہ سیاحوں کی گاڑی ستک نالہ کے قریب سے ملی، چاروں دوستوں کا تعلق گجرات سے تھا۔سیاحوں کی گاڑی گلکت سیاسکردو جاتے ہوئے کھائی میں گرگئی تھی، جاں بحق ہونے والوں میں واصف،سلمان،عمراورعثمان شامل ہیں۔والدین کے مطابق سیاحت کے شوقین چاروں دوست بارہ مئی کو گجرات سے نکلے تھے اور پھر سولہ مئی پھر سے ان سے کوئی رابطہ نہیں ہوا۔یاد رہے گلگت بلتستان سیروتفریح کیلیے آنے والے گجرات کے 4 نوجوان تقریباً 7 دنوں سے لاپتہ تھے۔ترجمان جی بی حکومت نے بتایا تھا کہ نوجوان 16 مئی سے لاپتہ ہیں، وزیراعلیٰ گلگت بلتستان حاجی گلبرخان نے اس سلسلے میں آئی جی اور سیکریٹری داخلہ کو ہدایات جاری کی اور لاپتہ نوجوانوں کی تلاش میں تمام وسائل بروئیکار لانے کی ہدایت کی تھی۔
