ضلع کورنگی سے 2 ہفتوں کے دوران 237 جرائم پیشہ گرفتار
شیئر کریں
ضلع کورنگی پولیس نے آپریشنل ضلعی پولیس افسر کے خصوصی احکامات پر عملدرآمد کرتے ہوئے سال نو کے گزشتہ دو ہفتوں کے دوران مجموعی طور پر237 ملزمان کو گرفتار کرکے جرائم پیشہ عناصر کے قبضے سے مختلف اقسام کے32 ہتھیار اور دس کلو منشیات برآمد کی ہے ۔ تفصیلات کے مطابق ایس ایس پی ضلع کورنگی حسن سردار نیازی کی ہدایات پر ضلعی تھانہ جات کی پولیس نے درجنوں کومبنگ و سرچنگ آپریشن کیے مختلف مقامات پر مبینہ پولیس مقابلے بھی پیش آئے ،237 ملزمان کو گرفتار کیا گیا جبکہ پولیس اور ڈاکووں کے درمیان ضلع کے 8 مختلف مقامات پر فائرنگ کے تبادلے بھی پیش آئے ، دوران مقابلہ 9 ڈاکووں کو زخمی حالت میں گرفتارکیے گئے ، ملزمان کے قبضے سے مختلف اقسام کا اسلحہ چھیننے ہوئے موبال فونز اور چھیننی ہوئی موٹرسائیکلوں سمیت شہریوں سے چھینے ہوئے پرس نقدی رقم بھی برآمد ہوئی ، متعلقہ پولیس نے برآمد ہونے والے قیمتی اشیا اور رقوم متاثرہ شہریوں کو واپس کی ، پولیس نے شہریوں کو قیمتی اشیا اور موٹر سائیکلوں سے محروم کرنے والے7 مطلوب ڈکیت گروہ کا خاتمہ کیا ، تھانہ جات نے جرائم پیشہ عناصر کے زیرِ استعمال 32 پستول اور شہریوں سے چھینے گئے87 موبائل فون11 موٹرسائیکلیں اور نقد رقم برآمد کی ، ضلع کورنگی پولیس نے دیگر کارروائیوں کے دوران منشیات فروش جوئے ، سٹے کے اڈوں پر کارروائیاں کرتے ہوئے10 کلو منشیات سمیت بھاری مقدار میں آئس اور ہیروئن بھی برآمد کی ہے، پولیس نے گٹکا تیار کرنے والے کارخانوں پر چھاپوں کے دوران بڑی مقدار میں650 کلو سے زاد مضر صحت گٹکا ماوا برآمد کیا ، کورنگی پولیس دوران ٹارگٹڈ آپریشن درجنوں مفرور و اشتہاری اور فہرست میں شامل ملزمان کو بھی گرفتار کرنے میں کامیاب رہی ۔
