پیپلزپارٹی عام انتخابات، ٹکٹ کی تقسیم فریال کے حوالے پارٹی عہدیداران نظر انداز
شیئر کریں
( رپورٹ / شاہنواز خاصخیلی ) عام انتخابات میں ٹکٹ کی تقسیم ، پیپلزپارٹی نے تنظیمی ڈہانچہ نظرانداز کرتے ہوئے عہدیداروں اور کارکنان سے مشاورت کا عمل ترک کردیا ، تنظیمی بدنظمی کی وجہ سے پارٹی کارکنان اور امیداو تذبذب میںمبتلا ، نوشہرو فیروز، نوابشاہ سمیت اکثر اضلاع میں ٹکٹس کے معاملات فریال تالپور کو سونپے جائیں گے ۔ تفصیلات کے مطابق پیپلزپارٹی نے 8 فروری کو ہونے والے عام انتخابات میں ٹکٹس کی تقسیم کے معاملے پر پارٹی کے انتظامی ڈہانچے کو یکسر نظر انداز کررکھا ہے ، جس کے باعث عہدیدار اور کارکنان پریشان ہیں، کارکنان کے مطابق بلدیاتی انتخابات میں بھی پارٹی کا تنظیمی ڈہانچہ نظرانداز کرکے عہدیداروں اور کارکنان سے رائے لیے بغیر ٹکٹس جاری کیے گئے ، ذرائع کے مطابق نوابشاہ، سانگھڑ، نوشہروفیروز سمیت اکثر اضلاع میں ٹکٹس کے معاملات فریال تالپور کے سپرد کیے جائیں گے ، واضح رہے کہ گزشتہ بلدیاتی انتخابات میں میئر و ضلع چیئرمینوں کا بھی انتخاب فریال تالپور نے کیا تھا ۔
