نوازشریف کی واپسی پر ریڈ کارپٹ ن لیگ نہیں کوئی اور بچھا رہا ہے،خورشید شاہ

ویب ڈیسک

پیر, ۱۶ اکتوبر ۲۰۲۳

شیئر کریں

پاکستان پیپلزپارٹی کے سینئر رہنما خورشید شاہ نے کہا ہے کہ ن لیگ خطرناک ٹریپ میں پھنس رہی ہے۔ نوازشریف عمر کے اس حصے میں طاقت ور حلقوں سے ڈیل کرکے اقتدار میں آئیں گے تو کی سیاست کیا بچے گی۔انہوں نے جیو جیوز کے پروگرام میں گفتگو کرتے ہوئے کہا کہ نوازشریف کی واپسی پر ریڈ کارپٹ ن لیگ نہیں کوئی اور بچھا رہا ہے۔ن لیگ نے کافی تکلیفیں دیکھی ہیں، پہلے بھی کہہ چکا ہوں کہ بیک ڈور سیاست چھوڑ دیں۔کب تک بیک ڈور سیاست چلتی رہے گی۔خورشید شاہ نے کہا کہ نوازشریف کو کہہ رہا ہوں کیا کر رہے ہیں؟ پھر غلطی کرنا چاہ رہے ہیں، جو کسی کے کندھے پر چڑھ کر آئے گا تو اس میں فیصلہ کرنے کی کیا طاقت ہو گی؟ کیا اب بھی ہم نہیں سدھریں گے؟ نوازشریف عمر کے اس حصے میں طاقت ور حلقوں سے ڈیل کرکے اقتدار میں آئیں گے تو ان کی سیاست کیا بچے گی؟