لاہور قلندرز کی فتوحات کے آگے بند نہ باندھا جا سکا،ملتان سلطانز کو 21 رنز سے شکست
شیئر کریں
لاہور قلندرز کی فتوحات کے آگے بند نہ باندھا جا سکا، مسلسل پانچویں اورہوم گراؤنڈ پر مسلسل چوتھی فتح سمیٹ لی، لاہور قلندرز نے ملتان سلطانز کو 21 رنزسے شکست دی۔ قذافی سٹیڈیم لاہورمیں ملتان سلطانز اور لاہور قلندرز کے درمیان پی ایس ایل 8 کے 20 ویں میچ میں لاہور قلندرز کے کپتا ن نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 9 وکٹوں کے نقصان پر180 رنز بنائے۔ لاہور قلندرز کی جانب سے فخرزمان پہلے ہی اوور میں بغیر کوئی رن بنائے آؤٹ ہو گئے، سیم بِلنگز 54 اور عبداللہ شفیق 48 رنز بنا کر نمایاں رہے۔ مرزا بیگ 17، سکندر رضا 14اور کپتان شاہین شاہ آفریدی اور شاہین طلعت 9،9 رنز بنا کر آؤٹ ہوئے۔ ڈیوڈ ویزے 15 رنز بنا کر ناٹ آؤٹ رہے۔ ملتان سلطانز کے احسان اللہ، عباس آفریدی، انور علی اور کیرون پولارڈ نے 2 ،2 وکٹیں حاصل کیں جبک سمین گل نے ایک کھلاڑی کو آؤٹ کیا۔ 181 رنز کے ہدف کے حصول کے لیے بعد میں بیٹنگ کرتے ہوئے ملتان سلطانز نے مقررہ 20 اوورز میں 7 وکٹوں کے نقصان پر159 رنزبنائے۔ ہدف کے تعاقب میں ملتان سلطانز کے بیٹر نے محتاط آغاز کیا لیکن راشد خان کی بولنگ کے آگے سلطانز کے بیٹرز بے بس دکھائی دیے۔ کپتان محمد رضوان اور شان مسعود نے 48 رنز کا آغاز فراہم کیا، لیکن اس اسکور پر 19 رنز بنانے والے شان مسعود کے آؤٹ ہونے کے بعد 30 رنز بنانے والے محمد رضوان 64 کے مجموعے پر آؤٹ ہو گئے۔ اسامہ میر 17، رائیلی روسوو 12، خوشدل شاہ 10 جبکہ ڈیوڈ ملر ایک رن بنا کر آؤٹ ہوئے۔ کیرون پولارڈ نے 39 اور انور علی نے 17 رنز بنا ئے۔ راشد خان نے 3، فخرزمان، حارث رؤف، سکندر رضا اورحسین طلعت نے ایک ایک کھلاڑی کو آؤٹ کیا۔
