کابل ، خودکش دھماکہ، 7 افراد جاں بحق، 10 زخمی

ویب ڈیسک

بدھ, ۳۱ اکتوبر ۲۰۱۸

شیئر کریں

افغانستان کے دارالحکومت کابل میں خودکش دھماکے کے نتیجے میں 7 افراد ہلاک اور 10سے زائدزخمی ہو گئے ۔غیرملکی خبررساں ادارے کے مطابق کابل کا ہائی سکیورٹی زون اسوقت خوفناک دھماکے سے گونج اٹھا جب خودکش دہشت گرد نے خود کو بم سے اڑا لیا، واقعہ پل چرخی جیل کے قریب پیش آیا جس کے بعد ہر طرف دھویں کے بادل چھا گئے ، دھماکے کے مقام پر موجود لوگوں میں بھگدڑ مچ گئی تاہم 7 افراد بم کا نشانا گئے ۔ پولیس اور افغان سکیورٹی اہلکاروں نے زخمی ہونے والے 10افراد اور 7 لاشوں کو ہسپتال منتقل کر دیا جبکہ دھماکے کے مقام کو قانون نافذ کرنے والے اداروں نے گھیرے میں لے لیا ۔ سکیورٹی حکام کے مطابق تاحال کسی گروپ نے دھماکے کی ذمہ داری قبول نہیں کی۔