کراچی، بچے پر گرم چائے پھینکنے والا ملزم گرفتار
ویب ڈیسک
بدھ, ۳۱ جولائی ۲۰۱۹
شیئر کریں
کراچی کے علاقے نارتھ ناظم آباد میں بچے پر مبینہ طورپرگرم چائے پھینکنے والے ملزم ہوٹل مالک کوگرفتارکرلیا گیا۔ کراچی کے علاقے نارتھ ناظم آباد میں واقع چائے کے ہوٹل پر کام کرنے والے بچے پر ہوٹل مالک نے چائے پھینک دی تھی جس سے بچے کا چہرہ اور جسم جھلس گیا ۔ سوشل میڈیا پر واقعے کی فوٹیج وائرل ہونے کے بعد پولیس نے کارروائی کرکے ہوٹل مالک کو گرفتار کرلیا ۔پولیس کے مطابق مالک نے کپ تاخیر سے دھونے پر بچے پر گرم چائے پھینکی تھی۔پولیس نے متاثرہ بچے بخت علی کے والدین کی مدعیت میں مقدمہ درج کرلیا ،مقدمے میں جان سے مارنے کی کوشش کی دفعات شامل کی گئیں ۔
