کب اور کون ملاقات کرسکے گا، عمران خان اور جیل سپرنٹنڈنٹ میں ایس او پیز طے
شیئر کریں
بانی پی ٹی آئی سے کب کون ملاقات کرسکے گا؟ آخر کار اہم پیش رفت سامنے آگئی۔۔ بانی پی ٹی آئی اور سپرنٹنڈنٹ جیل کے درمیان ایس او پیز طے پا گئیں۔ بانی پی ٹی آئی سے کتنے لوگوں نے کب ملاقات کی۔۔ جیل رپورٹ بھی سامنے آگئی۔بانی پی ٹی آئی اور سپرنٹنڈنٹ اڈیالہ جیل نے بانی پی ٹی آئی سے ملاقاتوں سے متعلق ایس او پیز طے کرلیے۔ ایس او پیز پر بانی پی ٹی آئی اور سپرنٹنڈنٹ اڈیالہ جیل کے دستخط موجود ہیں۔ جیل میں ملاقاتوں کے لیے بانی پی ٹی آئی نے تین فوکل پرسن مقرر کر دیے۔ چئیرمین پی ٹی آئی بیرسٹر گوہر ۔ شیر افضل مروت اور بیرسٹر عمیر نیازی فوکل پرسن ہوں گے۔ ملاقات کے لیے ہر فوکل پرسن دو نام دے گا۔ ہفتے میں دو روز منگل کو فیملی ۔ جمعرات کو وکلا و دیگر سے ملاقات ہوا کرے گی۔ عدالتی احکامات پر ملاقات کا معاملہ بانی پی ٹی آئی کی رضا مندی سے مشروط ہو گا۔ جیل رپورٹ میں بتایا گیا ہے کہ اٹھائیس مارچ کو اٹھارہ افراد نے بانی پی ٹی آئی سے ملاقات کی۔
