اسماعیل ہنیہ کے کمرے میں چھوٹا ریموٹ کنٹرول بم رکھا گیا،خفیہ رپورٹ
شیئر کریں
اسرائیلی میڈیا نے حماس سربراہ اسماعیل ہنیہ کے ایران میں قتل کے منصوبے سے متعلق خفیہ رپورٹ کی کچھ تفصیلات سامنے لانے کا دعویٰ کیا ہے ۔ اسرائیلی میڈیا نے ایک خفیہ رپورٹ کے مندرجات بتاتے ہوئے دعویٰ کیا کہ حماس رہنما اسرائیل ہنیہ کے قتل کی مہینوں تک منصوبہ بندی کی گئی مگر جس رات انہیں قتل کیا جانا تھا تب ان کے کمرے کا ای سی یونٹ ٹوٹ گیا تھا جس پر وہ کافی دیر تک اپنے کمرے سے باہر کسی دوسرے کمرے میں چلے گئے تھے ۔ اسرائیلی میڈیا کے مطابق اے سی یونٹ ٹوٹنے اور اسماعیل ہنیہ کے کمرے سے باہر نکل جانے کے بعد ان کے قتل کا منصوبہ بگڑ گیا تھا کیونکہ انہیں قتل کرنے کے لیے ایک چھوٹا ریموٹ کنٹرول بم ان کے کمرے میں رکھا گیا تھا جو انہیں اسی صورت میں نقصان پہنچا سکتا تھا جب وہ کمرے میں موجود ہوتے ۔ رپورٹ میں کہا گیا ہے کہ کافی دیر بعد بآلاخر کمرے کا ای سی ٹھیک کیا گیا اور اسماعیل ہنیہ کمرے میں واپس آگئے جس کے بعد رات کے ایک بج کر 30منٹ پر ریموٹ کنٹرول بم دھماکا کیا گیا۔ واضح رہے کہ چند دن قبل اسرائیلی وزیر دفاع اسرائیل کٹز نے بھی اسماعیل ہنیہ کو قتل کرنے کا باقائدہ اعتراف کیا تھا۔ اسماعیل ہنیہ کو ایران میں رواں سال 31جولائی کو اس وقت شہید کیا گیا تھا جب وہ نئے ایرانی صدر مسعود پزشکیان کی تقریب حلف برداری میں شرکت کی غرض سے ایران میں موجود تھے ۔
