کراچی ہول سیل گروسرز کے انتخابات ، رئوف ابراہیم کامیاب
شیئر کریں
کراچی ہول سیل گروسرز ایسوسی ایشن کے انتخابات میں رئوف ابراہیم نے میدان مار لیا ، سیریل ایسوسی ایشن کے حمایت یافتہ امیدوار بھاری اکثریت سے کامیاب ہوگئے ،انیس مجید کے حمایت یافتہ امیدوار کو شکست کا سامناکرناپڑا۔تفصیلات کے مطابق گزشتہ روز کراچی ہول سیل گروسرز ایسوسی ایشن کے انتخابات جوڑیا بازار میں منعقد ہوئے جس میںچیئرمین کی نشست کے لئے انیس مجید پینل کی طرف سے انور نور محمد تھے جبکہ ان کے مد مقابل امیدوار رئوف ابراہیم کو سیریل ایسوسی ایشن آف پاکستان کی حمایت تھی ۔منعقدہ انتخابات میں گروسرز سے وابستہ تاجروں کی جانب سے بڑی تعداد میں اپنا ووٹ کو استعمال کیاگیا۔نتائج کے مطابق رئوف ابراہیم نے 267ووٹ حاصل کرکے کامیابی حاصل کی اور کراچی ہول سیل گروسرز ایسوسی ایشن کے چیئرمین منتخب ہوگئے جبکہ ان کے مدمقابل انورنور محمدنے 116ووٹ لئے جبکہ سینئر وائس چیئرمین کے لئے ملک ذولفقار ، وائس چیئرمین کے لئے محمد الطاف، جنرل سیکرٹری کے لئے زاہد علی بخاری ،جوائنٹ سیکرٹری کے لئے آصف شیخ اور فنانس سیکرٹری کے لئے حنیف باوانی بلامقابلہ کامیاب قرارپائے ۔اس موقع پر سیریل ایسوسی ایشن آف پاکستان کے چیئرمین مزمل چیپل نے کہا کہ ہمارے حمایت یافتہ امیدواررئوف ابرہیم نے 70فیصد ووٹ حاصل کئے ہیں اور انہیں تاجر برادری کی جانب سے بھرپور حمایت ملی ہے جس پر پوری تاجر برادری کو مبارکباد پیش کرتے ہیں اس موقع پر عبدالرئوف چیپل ، عارف ڈونی، سلیم تسبیح، عزیز منایا، فاروق کاص، بشیر لاٹی والا، انیس ناتھانی، ملک بابر، دلیپ سکھی، عبدالحفیظ گڈو، زبیر مدنی، عمران قاسم، وقار، طفیل بالاگام، راجا اثرمال منگلانی ، سلیم آدھیا ، علی لاٹی والا، فرحت صدیقی ، احمد عوام، فہیم مدنی، اویس کوٹایا، نعمان قربان ، حفیظ عزیز ، کراچی چیمبر آف کامرس کے صدرشارق وہراہ اور دیگر کی جانب سے بھی رئوف ابراہیم کو مبارک باد پیش کی گئی۔
