عباسی شہید اسپتال پرپولیس کا چھاپا

ویب ڈیسک

بدھ, ۳۰ اکتوبر ۲۰۱۹

شیئر کریں

کراچی کے علاقے ناظم آباد میں واقع عباسی شہید اسپتال میں پولیس کی جانب سے چھاپا مارا گیا۔اسپتال ذرائع کے مطابق پولیس نے آئی ٹی ڈپارٹمنٹ، ٹراما سینٹر اور ڈاکٹرز اپارٹمنٹس کی تلاشی لی، تلاشی کے دوران آئی ٹی ڈپارٹمنٹ کے ایڈمنسٹر یٹرکے کمرے میں توڑ پھوڑ بھی کی گئی۔ذرائع کے مطابق پولیس کا سرچ آپریشن ڈیڑھ گھنٹے سے زائد جاری رہا، آئی ٹی ڈیپارٹمنٹ سے کمپیوٹر ہارڈ ڈرائیو اور دستاویزات قبضے میں لے لی گئیں۔ذرائع نے بتایا کہ چھاپے کے وقت 20 سے زائد پولیس موبائلز اور موٹر سائیکلیں تھیں، تمام پولیس موبائلز پر لکھے تھانوں کے ناموں اور نمبر پلیٹوں کو چھپایا ہوا تھا۔