پولیس اسپیشل برانچ، معطل انٹیلی جنس افسر شہزاد عرف چٹا منشیات فروشوں کا سہولت کار
شیئر کریں
( رپورٹ/ اسد رضا) ہجرت کالونی میںمنشیات اورگٹکا ماوا کی فروخت میں پولیس اسپیشل برانچ اور تھانہ سول لائن کے اہلکاروں کی سرپرستی برقرار ہے ، کھلم کھلا تھوک کے بھاو ممنوعہ اشیاء کی فروخت کروانے میں ملوث پولیس اہلکاروں کو اعلیٰ افسران کی سرپرستی حاصل ہونے کا انکشاف ہوا ہے ، تفصیلات کے مطابق تھانہ سول لائن پولیس اور اسپیشل برانچ کے اہکار جرائم پیشہ عناصر کی سرپرستی کررہے ہیں ، سرکاری سرپرستی میں ہجرت کالونی کے جرائم پیشہ عناصر سرگرم ہیں ، جن میں عمران موٹا ، وقاص کاشی اور بابر سمیت متعدد نامور افراد شامل ہیں جو برسوں سے گٹکا ماوا ، آئس، ہیروئن اور شیشہ کی فروخت کررہے ہیں ، کرسچن پاڑے میں بابر نامی جرائم پیشہ عناصر نے گٹکا ماوا ہول سیل میں فروخت کرتا ہے ، ذرائع کے مطابق تھانہ سول لائن پولیس کے افسران واہلکاروں سمیت معطل انٹیلی جنس افسر شہزاد عرف چٹا جرائم پیشہ عناصر کی سہولت کاری میں ملوث ہیں ، واضح رہے کہ جرات میں اس سے قبل بھی شہزاد عرف چٹا سے متعلق انکشاف کیا گیا تھا ، جس کے بعد انہیں معطل کیا گیا لیکن مؤصوف تاحال اپنی مجرمانہ سرگرمیوں کو برقرار رکھے ہوئے ہیں ۔
