سیالکوٹ ،ٹک ٹاک ویڈیو کے شوق نے کمسن نوجوان کی جان لے لی
شیئر کریں
سیالکوٹ میں سوشل میڈیا ایپ ٹک ٹاک نے ایک اور کم سن نوجوان کی جان لے لی، گولی لگنے سے کھروٹا کا رہائشی عمار حیدر جاں بحق ہو گیا۔تفصیلات کے مطابق تین کمسن دوست ٹک ٹاک ویڈیو بنا رہے تھے کہ گولی چل گئی،فرسٹ ایئر کا طالب علم عمار حیدر اپنے دوستوں مسلم اور زہیب کے ساتھ پستول ہاتھ میں لے کر ٹک ٹاک بنا رہا تھا۔ پولیس کے مطابق زوہیب نے بتایا کہ عمار پہلے اس کے سر پر پستول رکھ کر ٹک ٹاک بنا رہا تھا، بعد میں اس نے اپنے سر پر پستول رکھ لیا۔زوہیب نے کہا کہ سر کے بعد عمار نے اپنے پیٹ پر پستول رکھ کر ٹک ٹاک بناتے ہوئے ٹریگر دبایا تو گولی چل گئی۔عمار حیدر کے لواحقین نے الزام لگایا ہے کہ اسے دوستوں نے قتل کیا ہے ، تاہم زوہیب نے پولیس کے اپنے بیان میں بتایا ہے کہ عمار نے اپنے ہاتھ سے گولی چلائی تھی۔گرفتاری سے پہلے کمسن ملزم زوہیب نے اپنے بیان میں بتایا کہ وہ پولیس کے سامنے پیش ہونے جا رہا ہے ۔کوٹلی لوہاراں پولیس کا کہنا ہے کہ وہ معاملے کی تحقیقات کر رہے ہیں، جلد حقائق سامنے آ جائیں گے ۔
