تحریک انصاف پر پنجاب اسمبلی نے فوری طور پر پابندی لگانے کی قرارداد جمع کروادی

Author One

جمعه, ۲۹ نومبر ۲۰۲۴

شیئر کریں

لاہور : پنجاب اسمبلی میں تحریک انصاف پر فوری طور پر پابندی لگانے کی قرارداد جمع کروا دی گئی۔

زرائع کے مطابق قرارداد (ن) لیگ کے رکن اسمبلی رانا محمد فیاض نے جمع کروائی-

جس میں کہا گیا ہے کہ 24 نومبر کا حملہ بھی قومی سلامتی کے اداروں کے خلاف تھا-

اسلام آباد ہائی کورٹ نے بھی اس جماعت کو اسلام آباد میں احتجاج کی اجازت نہیں دی تھی۔

قرارداد کے متن میں کہا گیا کہ انتشاری ٹولے نے اعلیٰ عدلیہ کے فیصلوں کو بھی ماننے سے انکار کر کے یہ ثابت کر دیا کہ یہ جماعت کسی بھی ادارے کی عزت نہیں کرتی ہے-

یہ ایوان مطالبہ کرتا ہے کہ 24 نومبر کے ذمہ داروں اور منصوبہ سازوں کو جلد از جلد کیفر کردار تک پہنچایا جائے۔

اس انتشاری ٹولے کو جو کہ ایک سیاسی جماعت ہونے کا دعویٰ کرتا ہے پر پابندی عائد کی جائے –