پی ٹی آئی کے کارکنان شہید,پختونخوا حکومت کا3روزہ سوگ کا اعلان
شیئر کریں
اسلام آباد : تحریک انصاف کے کارکنان کی اموات کے سبب خیبرپختونخواہ حکومت نے 3 روزہ سوگ کا اعلان کردیا-
صوبائی اسمبلی کے اجلاس کے دوران پی ٹی آئی رہنماوں نے کہا ہمارے کارکنان شہید ہوئے، سیدھا فائر کیا گیا, اسنائپر اور دیگر جدید اسلحہ استعمال کیا گیا-
زرائع کے مطابق اسلام آباد میں پاکستان تحریک انصاف کے احتجاج کے دوران تشدد کے خلاف حکومت خیبرپختونخواہ نے 3 روزہ سوگ کا اعلان کردیا-
خیبرپختوبخواہ اسمبلی کے اجلاس سے خطاب کرتے ہوئے انہوں نے کہا کہ بحیثیت اسپیکر گرفتہ دل کے ساتھ کچھ باتیں کرنا چاہتا ہوں۔
تاریخ گواہ ہے جب کسی نے آئین کی بالا دستی کے لیے آواز اُٹھائی، اسے کچلا گیا، فلسطین کی مثال دی جاتی ہے وہی صورتحال اسلام آباد میں دیکھی گئی –
اسپیکر خیبرپختونخواہ اسمبلی نے کہا کہ نماز پڑھنے والے کارکن کو کنٹینر سے پھینکا گیا-
بابر سلیم سواتی نے دعویٰ کیا کہ وزیر اعلی خیبر پختونخواہ علی امین گنڈاپور کو قتل کرنے کی کوشش کی گی، وزیر اعلیٰ پر سیدھی فائرنگ کی گئی تو وہ وہاں سے چلے گئے۔
ان کا کہنا تھا کہ ایسے تجربات سے ہم پہلے بھی مشرقی پاکستان میں گزر چکے ہیں-
آج مشرقی پاکستان کے تجربات مغربی پاکستان میں دھرائے جارہے ہیں۔
ان کا کہنا تھا آئین پر امن احتجاج کا حق دیتا ہے، بد قسمتی سے پاکستان میں روز اول سے اداروں نے، مقتدر حلقوں نے جبر سے یہ حق اپنی عوام سے چھین رکھا ہے-
اس ملک کی تاریخ گواہ ہے کہ جب کبھی بھی کسی بھی سیاسی قوت نے اس ملک کے اندر آئین کی سربلندی کے لیے آواز اٹھائی تو ان کو بے دردی سے کچلا گیا۔
اجلاس کے دوران کُرم اور اسلام آباد میں احتجاج کے دوران جاں بحق افراد کے لیے دعا کی گئی۔
وزیر قانون آفتاب عالم نے کہا کہ کل سے 3 روزہ سوگ ہوگا-
