لانگ مارچ کا دوسرا روز، عمران خان کی قیادت میں قافلہ منزل کی جانب گامزن
شیئر کریں
پاکستان تحریک انصاف کے لانگ مارچ کے دوسرے روز قافلہ عمران خان کی قیادت میں منزل کی جانب گامزن ہے۔چیئرمین پاکستان تحریک انصاف عمران خان کی قیادت میں لانگ مارچ شاہدرہ سے شروع ہو کر فیروز والا پہنچے گا، فیروز والا کے بعد مرید کے میں استقبال ہوگا۔لانگ مارچ کے شرکاء کا سادھوکی میں بھی استقبال کیا جائے گا، دوسرے روز لانگ مارچ کی منزل کامونکی ہے، عمران خان شاہدرہ، فیروز والا، مریدکے، سادھوکی اور کامونکی میں عوام سے خطاب کریں گے۔سابق وزیراعظم کے ساتھ مرکزی کنٹینر میں پی ٹی آئی رہنما شاہ محمود قریشی، اسد عمر، عمر ایوب ،فواد چوہدری، شہباز گل بھی ہمراہ ہوں گے۔،لانگ مارچ کامونکی سے گوجرانوالہ پہنچے گا اور ڈسکہ سے ہوتا ہوا سیالکوٹ جائے گا، لانگ مارچ سمبڑیال، وزیر آباد سے ہوتا ہوا گجرات پہنچے گا، لالہ موسی کھاریاں سے جہلم جائے گا، گوجر خان سے راولپنڈی اور چار نومبر جمعہ کو راولپنڈی سے اسلام آباد میں داخل ہوگا۔
