جیب کترے اسٹیج پر کھڑے ہوکر کہتے ہیں ملک تباہ ہوگیا وزیراعظم
وزیراعظم عمران خان نے کہا ہے کہ 30سال سے باریاں لینے والے آج سب اکٹھے ہیں، جیب کترے اسٹیج پر کھڑے ہوکر کہتے ہیں کہ ملک تباہ ہوگیا
شیئر کریںوزیراعظم عمران خان نے کہا ہے کہ 30سال سے باریاں لینے والے آج سب اکٹھے ہیں، جیب کترے اسٹیج پر کھڑے ہوکر کہتے ہیں کہ ملک تباہ ہوگیا۔لاہور میں ڈاکٹرز کنونشن سے خطاب کرتے ہوئے وزیراعظم عمران خان نے کہا کہ انشااللہ ان کا احتساب ہونا ہے، یہ ڈرے ہوئے ہیں ان کازیادہ نقصان ہوگا انھوں نے جیلوں میں جانا ہے انھیں جو مرضی کرنا ہے کریں بلیک میل نہیں ہوں گا۔وزیراعظم نے کہا کہ چھوٹے چھوٹے مافیا بیٹھے ہیں جو تبدیلی نہیں آنے دے رہے، کرپٹ سسٹم سے فائدہ اٹھانے والاایک چھوٹا سا مافیا فائدہ اٹھاتاہے، اسپتالوں میں بھی چھوٹا مافیا بیٹھا تھا جو عدالتوں سے اسٹے لے لیتے تھے مگر تبدیلی آگئی آج کے پی کے سرکاری اسپتال بہتری کی جانب گامزن ہیں، لاہور،پشاور شوکت خانم اسپتال کوانٹرنیشنل سرٹیفکیٹ مل چکے ہیں۔انہوں نے کہا کہ محکمہ اوقاف کے پاس بہت زمینیں پڑی ہیں ان پر قبضے بھی ہورہے ہیں، اسپتالوں کیلئے پرائیوٹ سیکٹر کو محکمہ اوقاف کی زمینیں رعایت کے ساتھ فروخت کریں گے، ڈریپ میں بہت مسئلے مسائل ہیں جس کی وجہ سے فارماانڈسٹری آگے نہیں جارہی، بھارت 40ارب کی ادویات ایکسپورٹ کرتاہے پاکستان میں نہ ہونے کے برابرہے یاسمین راشد سے کہا ہے مرحلہ وار ہیلتھ کارڈ جاری کریں پہلے مرحلے میں سب سے پہلے کمزورطبقے کو ہیلتھ کارڈ دیئے جائیں، مفت علاج کیلئے ایک سال میں پنجاب کے ہر شہری کو ہیلتھ کارڈ فراہم کیاجائے۔وزیراعظم نے کہا کہ پاکستان کوروناکے خلاف اس وقت بڑی جنگ لڑرہاہے، ڈاکٹرز، پیرامیڈیکل اسٹاف نے مشکل وقت کاسامنا کیا ہے کورونا کی دوسری لہرکے باعث کیسزمیں اضافہ ہو رہا ہے، آلودگی والے بڑے شہروں میں کوروناکیسز میں اضافے کاخدشہ ہے، آئندہ 2ماہ احتیاط سے گزار لیے توزیادہ خطرہ نہیں ہو گا۔
