امریکی وزارت خارجہ ، سکیورٹی ڈیپارٹمنٹ کی سفارش رد ،پاکستانیوں کو ویزے جاری
ویب ڈیسک
پیر, ۲۹ اپریل ۲۰۱۹
شیئر کریں
امریکی وزارت خارجہ نے ہوم لینڈ سکیورٹی ڈیپارٹمنٹ کی سفارش رد کر دی، پاکستانیوں کو بدستور ویزے جاری کیے جا رہے ہیں، قونصلر آپریشن میں کوئی تبدیلی نہیں آئی۔سفارتی ذرائع کے مطابق امریکا نے غیر قانونی تارکین وطن کی فہرست پاکستان کے حوالے کر دی، پاکستان نے تصدیق کے بعد غیر قانونی تارکین وطن واپس لینے کی یقین دہانی کرائی اور کہا تصدیق کے بغیر کسی بھی غیر قانونی تارکین وطن کو واپس نہیں لیا جائے گا۔سفارتی ذرائع کے مطابق امریکا نے پاکستان سے غیرقانونی تارکین وطن واپس لینے کا مطالبہ کیا تھا، ہوم لینڈ سیکورٹی ڈیپارٹمنٹ نے پاکستان پر ویزہ پابندی لگانے کی سفارش کی تھی، امریکی وزارت خارجہ نے سفارش پر ابھی تک عملدرآمد شروع نہیں کیا۔
