میگزین

Magazine

ای پیج

e-Paper
شہر قائدمیں ایک روز میں87 اسٹریٹ کرائم کی وارداتیں

شہر قائدمیں ایک روز میں87 اسٹریٹ کرائم کی وارداتیں

ویب ڈیسک
اتوار, ۲۹ جنوری ۲۰۲۳

شیئر کریں

وزیراعلیٰ سندھ سید مراد علی شاہ کوگزشتہ 24گھنٹوں کے دوران جرائم کی روک تھام سے متعلق پولیس اقدامات پر ایڈیشنل آئی جی کراچی جاوید اوڈھو نے اپنی رپورٹ پیش کی ۔ وزیراعلی سندھ کو بتایا گیا کہ گزشتہ 24 گھنٹوں میں شہر بھر میں 87اسٹریٹ کرائم کی وارداتیں رپورٹ ہوئیں، جن میں 10روبری، 4کاری چوری، 13موٹرسائیکل چھیننے،60 موٹرسائیکل چوری ہونے کی وارداتیں رپورٹ ہوئیں۔ نارتھ ناظم آباد میں مزاحمت کے دوراں اسٹریٹ کرمنلز نے ایک شخص سلمان ولد رمضان کو زخمی کردیا۔ رپورٹ میں بتایا گیا کہ شہر بھر میں 3 پولیس مقابلوں میں میں 5 اسٹریٹ کرمنل کو زخمی حالت میں گرفتار کیا گیا، جبکہ 6 دیگرجرائم پیشہ افراد کو رنگے ہاتھ گرفتار کیا گیا۔ گزشتہ 24 گھنٹوں کے دوران 102 ملزمان کی گرفتاری عمل میں لائی گئی، جن میں25 اسٹریٹ کرمنلز / ڈاکو، 18 غیر قانونی اسلحہ رکھنے پر، 8 منشیات فروش اور سپلائیر جبکہ50 دیگر جرائم میں ملوث افراد گرفتار کیے گئے۔ پولیس نے مختلف کارروائیوں کے دوران 24 غیر قانونی اسلحہ ،4 کلو گرام چرس، 11 چھینے گئے موبائل، 11 چوری شدہ گاڑیاں جن میں ایک کار اور 10 موٹر سائیکل برآمد کئے۔


مزید خبریں

سبسکرائب

روزانہ تازہ ترین خبریں حاصل کرنے کے لئے سبسکرائب کریں