ٹیکس جمع نہ کرانے پرکراچی کے 4شادی ہالوں کے خلاف کارروائی
شیئر کریں
ایف بی آر نے کراچی کے چار شادی ہالز کے خلاف کارروائی کرنے کا فیصلہ کرلیا کارروائی کا فیصلہ ٹیکس نہ جمع کرانے پر کیا گیا ہے۔ ترجمان ایف بی آر کے مطابق چار شادی ہالز کی نشاندہی کی ہے جن کو کسٹمرز سے ٹیکس وصول کر کے قومی
خزانے میں جمع کروانے کے احکامات جاری کیے لیکن شادی ہالز مالکان نے احکامات پر عملدآمد نہیں کیا۔ آر ٹی او نے یہ اقدامات ٹیکس نیٹ کو وسیع کرنے اور ٹیکس قوانین پر عملدرآمد کو یقینی بنانے کے لیئے کیے ہیں۔ اگر قوانین کی یوں ہی نفی کی گئی تو آر ٹی او مزید سخت اقدامات کرے گا جن میں ٹیکس قوانین کے تحت قانونی کارروائی اور حدود کو سیل کرنا شامل ہے ۔ ایف بی آر نے تمام شادی ہالز کے مالکان کو ٹیکس جمع کرنے کے متعلق اپنے فرائض ادا کرنے کے واضح احکامات جاری کیے ہیں جس سے نہ صرف قومی خزانے کو فائدہ پہنچے گا بلکہ ٹیکس قوانین پر عملدرآمد کی روایت بھی قائم کی جاسکے گی۔
