ہیوی ٹرالر نے ایک اور جان لے لی، دوسرا نوجوان شدید زخمی
شیئر کریں
ناردرن بائی پاس اٹک پمپ چنگی کے قریب تیزرفتارٹریلرنے ٹکرماری ،ڈرائیور فرار
متوفی نوجوان کی شناخت 16سالہ اویس، زخمی نوجوان کی محمد نعیم کے ناموں سے ہوئیں
شہرمیں ہیوی ٹریلرنے ایک اورجان لے لی ،سرجانی ٹاؤن ناردرن بائی پاس کے قریب تیزرفتار ٹرالر کی ٹکرسے موٹرسائیکل سوارنوجوان جاں بحق اوردوسراشدید زخمی ہوگیا۔سرجانی ٹاؤن تھانے کے علاقے ناردرن بائی پاس اٹک پمپ چنگی کے قریب تیزرفتار ٹریلرکی ٹکر سے موٹر سائیکل سوار نوجوان جاں بحق اوردوسراشدید زخمی ہوگیا۔زخمیوں کو فوری طورپرچھیپا ایمبولینس کے ذریعے عباسی شہید اسپتال منتقل کردیا گیا جہاں متوفی نوجوان کی شناخت 16 سالہ محمد اویس ولد محمد صادق کے نام سے کی گئی جبکہ زخمی نوجوان کا نام محمد نعیم معلوم ہوا ہے ۔ایس ایچ اوسرجانی ٹاؤں غلام حسین پیرزادہ نے بتایا کہ متوفی نوجوان گلشن معمارکے علاقے میں واقع جہاں آباد گوٹھ کا رہائشی تھا اور دوستوں کے ہمراہ 2 موٹر سائیکلوں پر گلشن معمارسے منگھوپیر تھانے کی حدود میں واقع نہرمیں نہانے جا رہا تھا کہ ناردرن بائی پاس اٹک پمپ چنگی کے قریب تیزرفتارٹریلرنے انہیں ٹکرماردی اور موقع پر سے فرارہوگیا۔ایس ایچ اونے بتایا کہ پولیس نے ٹریلرکی تلاش شروع کردی ہے ۔
