شہر قائد میں وارداتیں کرنے والے وائٹ کرولا گینگ کے چار ملزمان گرفتار
شیئر کریں
شہر قائد میں وارداتیں کرنے والے وائٹ کرولا گینگ کے چار ملزمان کو گرفتار کرلیا گیا۔پولیس کے مطابق کراچی کے علاقے کلفٹن اور اطراف میں ویک اینڈ پر وارداتیں کرنے والے وائٹ کرولا گینگ کے 4 ملزمان کو گرفتار کرلیا گیاہے ۔گرفتار ملزمان بنگلوں میں لوٹ مار کی وارداتیں کرتے تھے ، ملزمان نے 6 سے 8 نومبر کے دوران متعدد گھروں میں لوٹ مار کا اعتراف کیا۔پولیس کے مطابق گروہ نے دو ہفتہ وار چھٹیوں میں 15 بنگلوں میں وارداتیں کیں، ملزمان نے کرائے پر گھر لے رکھا تھا جس کے آدھے حصے میں اہلخانہ اور آدھے میں ڈکیت رہائش پذیر تھے ، ملزمان لوٹ مار کا کچھ حصہ دکھاوے کے لیے ساتھ رکھی گئی فیملی کو دیتے تھے ۔پولیس حکام کے مطابق گروہ کا آرگنائزر کراچی میں واٹر ٹینکر چلاتا رہا ہے ، ملزم نے پشاور کراچی کے لیے بس بھی ڈرائیو کی، ملزمان میں ناصر شاہ عرف حاجی، آصف خان، سردار ، راج ولی شامل ہیں۔پولیس نے بتایاکہ ملزمان کے خلاف مقدمہ درج کرکے تحقیقات کا آغاز کردیا گیا ہے ، ملزمان کے مزید ساتھیوں کی تلاش میں چھاپے مارے جارہے ہیں۔
