وزیراعلیٰ سندھ کی طبیعت میں بہتری

ویب ڈیسک

جمعه, ۲۷ نومبر ۲۰۲۰

شیئر کریں

وزیراعلیٰ سندھ مرادعلی شاہ کی طبیعت میں بہتری آئی ہے اورگذشتہ روزتک بخار کی معمولی علامات تھیں۔وزیراعلیٰ ہائوس کی جانب سے بتایا گیا کہ وزیراعلیٰ سندھ کی طبیعت میں بہتری پران کا دوسرا کرونا ٹیسٹ کیا گیا۔ وزیراعلیٰ مرادعلی شاہ کورونا ٹیسٹ رپورٹ آنے پر آئسولیشن ختم کرینگے ۔امکان ہے کہ وزیراعلیٰ سندھ آئندہ ہفتے سے باقاعدہ ذمہ داریاں ادا کرنا شروع کرینگے ۔اس کے علاوہ کورونا وائرس،دیگر بیماریوں کے شکار وزیراعلیٰ سندھ کے مشیر اعجاز شیرازی کی طبیعت ناسازہے اور وہ کئی روز سے ہسپتال میں زیر علاج ہیں تاہم کورونا وائرس سے متاثر رکن سندھ اسمبلی حلیم عادل شیخ اور جام اکرام کی طبیعت میں بہتری آئی ہے ۔